आता मला रॉकेलचा दिवा हातात घेवून घरातील वस्तू शोधण्यासाठी वेड्यासारखे फिरावे लागत नाही. माझे घर जास्त व्यवस्थित आणि नीटनेटके झाले आहे. मी आता गावातील लोकांसाठी शिवणकाम करते. आणि मला घरकाम करूनही त्यासाठी बराच वेळ मिळतो; अगदी रात्री सुद्धा. २४ तास वीजेचा पुरवठ्यामुळे मी आता निश्चिंत झाले आहे.

मी चालवित असलेल्या पिठाच्या गिरणीमधून आणि माझी पत्नी चालवित असलेल्या दुकानामधून आम्हाला आता उत्पन्न मिळत आहे. दुकान तर पूर्वीसुद्धा होते; पण ते दिवस मावळल्यावर बंद करावे लागे. शेतावरून उशिरा घरी आले तरी लोकांना त्यांच्या गरजेच्या वस्तू आता विकत घेणे शक्य झाले आहे. पिठाच्या गिरणीसाठी आता दूर जावे लागत नाही.

खाजगी – सामाजिक उपक्रम या नात्याने, सार्वजनिक – खाजगी – विना नफा तत्वावर ग्रामसमूहांबरोबर भागीदारी करण्यावर या संस्थेचा भर आहे. याबरोबरच ‘ग्रामस्थांचा सहभाग आणि त्यांना जबाबदारीची जाणीव असणे’ हे माझ्या मते या उपाययोजना दीर्घकाळ चालण्याची शाश्वती आणि त्यांचा चांगला परिणाम दिसण्यासाठी कारणीभूत आहेत. ग्राम ऊर्जा या संस्थेला त्यांचे काम शेकडो, हजारो दुर्गम गावांपर्यंत पोहोचविण्यासाठी माझ्या शुभेच्छा.